Appelsínu- og mangósalsa

Þetta salsa er ætlað með köldu lárperusúpunni úr Happ Happ Húrra bókinni, en má að sjálfsögðu nota með hverju sem er. Get vel ímyndað mér að hún sé sérlega góð með grilluðum fiski! Ein skeið af þessari dásemd verður eins og flugeldasýning í munninum, algjör bragðsprengja! Ég sé fyrir mér að gera svona salsa og borða eitt og sér, rosalega gott.

___

f. 2 (sem meðlæti með súpu)

 

 

 

 

 

 

 

1 appelsína (eða blóðappelsína)

1/2 poki frosið mangó, afþýtt (eða 1/2 ferskt)

1/2 rauð paprika

handfylli ferskt kóríander

sjávarsalt

___

Appelsínan er afhýdd og sem mest af hvíta berkinum skorið af. Mér þykir best að skera fyrst toppinn og botninn af og renna svo hnífnum frá toppi og niður og taka þannig allan börkinn af. Hún er svo skorin í litla bita. Mangóið og paprikan einnig skorin í litla bita og kóríander saxað fínt. Öllu blandað saman í skál og smakkað til með örlitlu salti (eða ekki, þar er salt í súpunni ef þið notið þetta með henni).